Hér er góð lesning um hvernig NOAA viðurkennir vanmátt tog rannsókna sem eina mæli á stofn stærð. Hér er verið að mæla aðeins einn stofn á miðað við Íslandsmið á mjög afmörkuðu svæði og einföldu straum ástandi. Frá því ég var 1. stm og síðan skipstjóri á Snorra Sturlusyni og togaranum Viðey hélt ég skyrslur um veiði, veður og strauma og í 20 ár gat ég ALDREI gengið að fiski uppá dag. En Hafró hefur leyft sér þrátt fyrir vanþóknun sjómanna að áætla um þorsk, ýsu, karfa og ufsa með því að taka eitt hol á hverjum stað (ekki tökustað) burt séð frá ástandi veðurs og straums hverju sinni. Og allan tímann í kvótakerfinu hefur ekkert verið tekið tillit til fiskgengdar til gerð breytinga á leyfðum afla þrátt fyrir leyfi þar um í 3. gr laga um stjórn fiskveiða. Sjá grein.
Vísindamenn bandarísku haf- og loftlagsstofnunarinnar (NOAA) reyndu á dögunum nýja aðferð við að meta stofnstærð ufsa í Alaskaflóa.
Í stað þess að meta stofnstærð með hefðbundnum bergmálsmælingum frá skipum var þremur bergmálsmælum komið fyrir á sjávarbotni. Þetta kemur fram á vef NOAA.
Mælarnir söfnuðu gögnum í þrjá mánuði áður en þeir voru sóttir á hafsbotn og gefa því mun ítarlegri mynd en sú sneiðmynd sem hefðbundnar mælingar gefa.
Samkvæmt frétt NOAA komu mæling og vel út og eru hugsaðar sem viðbót við hefðbundnar aðferðir svo sem bergmálsmælingar og sýnatöku með togveiðum. Þessi nýja aðferð dýpki skilning og bæta mælinga. Þar sem hefðbundnar mælingar geti farið fram of snemma eða of seint miðað við aðstæður í hafinu og gefið þannig ranga mynd af stöðu stofns.
www.ruv.is/frett/ny-adferd-vid-stofnstaerdarmaelingu
Facebook Notice for EU!
You need to login to view and post FB Comments!
Ólafur Örn Jónsson