Núna þegar „eyðilegging“ kvótans er augljós öllum sem með augun ganga opin og vilja sjá sannleikann þá er furðulegt að verða vitni að því að til er fólk sem vill halda áfram með kvótakerfi þótt ekkert bendi til annars en að kvótakerfi hentar ekki við stjórn fiskveiða við Ísland. Ég hef barist gegn kvótanum í 32 ár eða síðan 1983 þegar menn þúsundir á þúsundir manna ofan börðust með mér ásamt yfir 90% af fólki í sjávarútvegi og ekkert hefur breyst sem réttlætir kvótann núna frekar en þá. Samt er til fólk sem predikar áframhald kvótakerfisins bara í „breyttir mynd“? Hvílík HRÆSNI hvílíkir HRÆSNARAR eru menn sem vita það að ef kvótinn (aflaheimildirnar) eru innkallaðar þá skapar það hugsanlega skaðabótaskyldu og enga tryggingu um betri árangur í framtíðinni þar sem kvótastýring getur ekki gert það sem Íslendingum vantar að „hámarka afrakstur“ miðanna og greinarinnar allrar.
Bara þetta að til séu menn sem tala um kvóta sem áframhaldandi aðferð við stjórn fiskveiða ætti að vekja hjá okkur þjóðinni ugg um innræti manna í þessu landi yfirleitt. Við sjáum óheiðarleikann allt í kringum okkur þar sem fólk er að ota sínum tota og skara eld að eigin köku eða sínum hagsmunasamtökum. Sögu sagnir um BRÚN umslög frá kvótagreifum opna augu fólks hvers vegna á þingi situr fólk sem gerti allt sem í þeirra valdi stendur til að hygla hagsmuna samtökum og gefa skít i vinnuveitendur sína þjóðinni þó svo að hafa heitið almenning hollustu sinni.
Nú hvet ég fólk sem byrjað er að sjá að ekki er allt í lagi í þjóðfélaginu og skilur að skortveiðistefnan sem LÍÚ hefur komist upp með að standa fyrir er búin að rústa velferðarkerfinu og kaupi og kjörum landsmanna til að vera vakandi gegn HRÆSNURUNUM sem enn flagga kvóta sem aðferð við stjórn fiskveiða. Fólki sem heldur að eitthvað sé sem heitir „easy money“ sem streymt geta frá sjávarútvegi í formi skattpeninga til að hækka laun í öðrum greinum atvinnulífsins án þess að komi fram aukið vinnuframlag. Svona talar bara Samfylkingarfólk og aðrir hræsnarar sem vita betur. Að ekki þarf t.d. nema breytingar á gengi þá verður útgerðin ekki aflögufær og allra síst ef veiðum er stjónað áfram með kvótakerfi.
Hættum öllum bollaleggingum um áframhald kvótans. Sniðgöngum HRÆSNARANA sem leyfa sér að væla um möguleika eða ég tala nú ekki um nauðsyn kvótastýringar. Þeir eru annað hvort að tala af heimsku eða hreinni hagsmuna gæslu. Förum skynsamlegustu leiðina og nýtum okkur 3. gr. laga um stjórn fiskveiða og breytum í Sóknarmark með allan fisk á markað sem mun gefa öllum jafnan rétt til að stunda veiðar og / eða vinnslu allstaðar á landinu. Með því opnast ný hugsun og stór aukin tækifæri sem í dag eru lokuð hæfileika fólki en EINOKUÐ í höndum einhverra sem misnotað hafa aðstöðu sína með stórfelldum skaða fyrir þjóðfélagið og hruni efnahags þjóðarinnar.
Ólafur Örn Jónsson